Jahon shaxmat federasiyasi mart oyi yakunlangach, o‘z reytingini yangiladi. Ushbu yangilangan jahon reytingida kuchli 100 likdan 4 nafar o‘zbekistonlik grossmeyster o‘rin oldi.
Reytingda Nodirbek Abdusattorov 4-o‘rinda qayd etildi. U avvalgi reytingda 11-o‘rinni egallagan edi. Javohir Sindorov 50-o‘ringa tushib ketdi. Uning avvalgi qayd etgan natijasi — 36-o‘rin bo‘lgan. Bundan tashqari, eng kuchli shaxmatchilar reytingida Rustam Qosimjonov (48-o‘rin) hamda Nodirbek Yakubboyev (75-o‘rin) o‘rin olgan.
E’tiborlisi, Nodirbek yoshlar o‘rtasidagi rasmiy reytingda birinchi o‘rinda qayd etilgan. Yana bir hamyurtimiz Javohir Sindorov oltinchi egallab turibdi. U mart oyida beshinchi o‘rinda qayd etilgan edi.
Eslatib o‘tamiz, Nodirbek Abdusattorov Chexiyada o‘tkazilgan Prague Chess Festival 2024 turnirida muvaffaqiyatli ishtirok etib, bosh sovrin sohibi bo‘lgan edi.
