"Valensiya" bosh murabbiyi Ruben Baraxa hujumchi Roman Yaremchukning "Malyorka"ga qarshi o‘yinda (0:0) olgan chap oyog‘i son qismidagi jarohati haqida fikr bildirdi.

"Bu ta’sirli yo‘qotish, chunki u yaxshi dinamikada edi va o‘zini yaxshi his qilayotgandi. Jismoniy yaxshilanish uni yanada muhimroq qildi.

Ammo bu butun mavsum davomida sodir bo‘lgan narsa. Bu mavsumning tendensiyasi. Yo afsuslanasiz yoki sizda bu imkoniyatdan foydalana oladigan boshqa futbolchilarga ishonish istagi bor", - dedi Baraxa.

Avvalroq, 28 yoshli ukrainalik futbolchi kamida 2-3 hafta o‘tkazib yuborishi haqida ma’lumotlar bor edi. Joriy mavsumda hujumchi “Valensiya” safida 25 ta o‘yinda maydonga tushib, 4 ta gol urdi.