"Валенсия" бош мураббийи Рубен Бараха ҳужумчи Роман Яремчукнинг "Мальорка"га қарши ўйинда (0:0) олган чап оёғи сон қисмидаги жароҳати ҳақида фикр билдирди.

"Бу таъсирли йўқотиш, чунки у яхши динамикада эди ва ўзини яхши ҳис қилаётганди. Жисмоний яхшиланиш уни янада муҳимроқ қилди.

Аммо бу бутун мавсум давомида содир бўлган нарса. Бу мавсумнинг тенденцияси. Ё афсусланасиз ёки сизда бу имкониятдан фойдалана оладиган бошқа футболчиларга ишониш истаги бор", - деди Бараха.

Аввалроқ, 28 ёшли украиналик футболчи камида 2-3 ҳафта ўтказиб юбориши ҳақида маълумотлар бор эди. Жорий мавсумда ҳужумчи “Валенсия” сафида 25 та ўйинда майдонга тушиб, 4 та гол урди.