"Milan" va Braziliya terma jamoasining sobiq himoyachisi Kafu o‘z hamyurti, Saudiyaning "Al-Hilol" hujumchisi Neymar haqida o‘z fikrlari bilan o‘rtoqlashdi.
"U yozda Amerika Kubogiga boradimi yoki yo‘qmi, hozircha noma’lum. Umid qilamanki, Neymar terma jamoada o‘ynashda davom etadi. U jahon futboli uchun muhim iste’dod egasi. Bu har qanday jamoaga kerak bo‘lgan futbolchi", - deydi Kafu.
Neymar tizzasidan olgan jarohati tufayli joriy mavsum yakuniga etmasdan safdan chiqdi. Saudiya Arabistoni chempionatida 32 yoshli braziliyalik uchta o‘yin o‘tkazib, ikkita golli uzatmani amalga oshirdi.
