"Gavr" klubi prezidenti Jan-Mishel Russye "PSJ"ni Fransiya chempionatining 28-turida "Klermon" bilan o‘yinda (1:1) maydonga tushirgan tarkibini tanqid qildi. Parijliklarning yarim zaxira tarkib bilan maydonga tushishi funksionerga yoqmadi.
"Bu Fransiya chempionatiga nisbatan mutlaqo hurmatsizlik, boshqa qo‘shadigan hech qanday fikrim yo‘q. Men shunchaki "Manchester Siti" va "Arsenal"ning so‘nggi o‘yinlardagi tarkiblarini solishtiraman, bu ikki klub seshanba kuni Chempionlar ligasida, "PSJ" esa chorshanba kuni o‘ynaydi... tarkiblarga qarang, Angliya chempionati nima uchun ekanligini tushunasiz. Iqtisodiy jihatdan muvaffaqiyat qozonadi, muntazam ravishda Chempionlar ligasida g‘alaba qozonadi... Agar o‘zimizga shu savolni bersak, javobimiz bor", - dedi Russye RMC Sport bilan suhbatda.
10 aprel kuni "PSJ" "Barselona" bilan Chempionlar ligasining chorak final birinchi uchrashuvini o‘tkazadi.
