"PSJ" markaziy himoyachisi Markinyos "Barselona"ga qarshi o‘yindagi mag‘lubiyatdan so‘ng (2:3) jurnalistlar savollariga javob berdi.

Luis Enrike shogirdlari Chempionlar ligasi 1/4 finalining ilk o‘yinida o‘z maydonida mag‘lub bo‘ldi.

Mezbonlar avvaliga gol o‘tkazib yuborishdi, keyin esa 48 va 50-daqiqalarda Usmon Dembele va Vitinyaning gollari evaziga oldinga chiqib olishdi, ammo bu yetarli bo‘lmadi – “Barselona” yana ikki bor gol urdi va peshqadamlikdan voz kechmadi.

"Natija mantiqiymi? Bunday deb o‘ylamayman, lekin bizda qiyinchiliklar bo‘ldi. Ikkinchi bo‘limda biz yaxshi vaziyatlar yaratdik.

Biz burchak to‘pidan gol o‘tkazib yubordik, xatodan keyin bu sodir bo‘ldi. Javob o‘yinida buni tuzatishimiz kerak. Murabbiy vaziyatni tahlil qiladi va tuzatishlar kiritadi, biz o‘z kuchimizni tushunamiz.

"PSJ" "Barselona"ga g‘alaba qozonish uchun boradi, - dedi Markinyos o‘yindan keyingi intervyusida.