O‘zbekiston kubogining 1-turidan o‘rin olgan "Andijon" - "Dinamo" (2:2) uchrashuvidan so‘ng mezbonlar bosh murabbiyi Aleksandr Xomyakov matbuot anjumanida ishtirok etdi.
"Qiyin o‘yin o‘tkazdik. "Dinamo" bu o‘yinga jiddiy tayyorgarlik ko‘rishini bilardik. Ular o‘tgan mavsum kubok uchrashuvlarida yaxshi natija ko‘rsatishgandi. Yaxshi o‘yin uchun raqiblarga minnatdorchilik bildiraman.
O‘yinning birinchi bo‘limida juda sust harakat qildik. Jamoa o‘yini o‘ziga o‘xshamadi. Ikkinchi bo‘limda vaziyatni o‘z tomonimizga og‘dira oldik, ustunlik va nazorat biz tomonga o‘tdi. Qarshi hujumda gol o‘tkazib yubordik. 90 daqiqa davomida vaziyatlarga boy o‘yin bo‘ldi. Stadiondagi muhit, muxlislar, barchasi juda ajoyib", – dedi murabbiy.
