O‘tgan yozda Xarri Keyn "Bavariya" safiga qo‘shilgan edi. Angliyalik hujumchi Myunxenga o‘z faoliyatida hech qachon yutmagan sovrinlarni ko‘zlagan holda yo‘l oldi.
Keyn “Bavariya” safidagi ilk o‘yinidayoq faoliyatidagi ilk sovrinni qo‘lga kiritishi mumkin edi, ammo avgust oyida myunxenliklar Superkubok uchun bahsda “RB Leypsig”ga 0:3 hisobida imkoniyatni boy berishdi. Keyinchalik "Bavariya" Germaniya kubogidan chiqib ketdi va endi Myunxen klubi 2012 yildan beri birinchi marta Bundesliga chempionligini qo‘lga kirita olmadi.
Natijada Keyn bilan birinchi mavsumda "Bavariya" ichki turnirlarda barcha sovrinlardan mahrum bo‘ldi. Jamoada hozirda faqat Chempionlar ligasida g‘alaba qozonish imkoniyati bor. 17 aprel, chorshanba kuni Tomas Tuxel shogirdlari chorak final javob uchrashuvini “Arsenal”ga qarshi o‘tkazadi. Londondagi birinchi uchrashuv 2:2 hisobida durang bilan yakunlandi.
