Xabaringiz bor, ayni paytda Qatarda Osiyo kubogi U-23 musobaqasi o‘tkazilmoqda. Mazkur turnirning guruh bosqichi ilk turidan o‘rin olgan bahsda Timur Kapadze murabbiylik qilayotgan O‘zbekiston-U-23 olimpiya terma jamoamiz malayziyalik tengdoshlarini 2:0 hisobida mag‘lubiyatga uchratdi. Mazkur o‘yindan so‘ng, “Navbahor” va olimpiya terma jamoalarimiz hujumchisi Ruslanbek Jiyanov uchrashuv haqidagi fikrlari bilan o‘rtoqlashdi. 

- Muhim g‘alaba erishdik va birinchi qadamni tashladik. Ushbu musobaqaga bir necha yil davomida tayyorgarlik ko‘rildi, endi esa eng muhim vazifani bajarishimiz kerak. Malayziya yaxshi jamoa ekanligini isbotladi va men kutgandan ancha yaxshiroq o‘ynadi. Hozirgi vaqtda barcha mamlakatlar futbol o‘ynashni o‘rganib olishgan va har bir terma jamoa bosh og‘riq bo‘lishi mumkin.Musobaqada chempionlikni qo‘lga kiritishni maqsad qilganmiz. Chempion bo‘lish uchun barcha imkoniyatlarimiz bor. Ajoyib va raqobatdosh tarkib yig‘ilgan. Mehnat qilishda davom etishimiz kerak, - dedi Ruslanbek Jiyanov.