"Liverpul"ning sobiq futbolchisi Jeymi Karrager Mikel Artetaning "Arsenal"i haqida o‘z fikrlari bilan o‘rtoqlashdi. Ushbu haftada “kanonirlar” “Bavariya”ga umumiy hisobda (2:3) yutqazib, Chempionlar ligasidan chiqib ketishdi.
"Bu "Arsenal" Pochettino davridagi "Tottenxem"ga aylanishi mumkin. Men bu jamoaga qoyil qoldim, lekin ular hech qachon hech narsa yuta olishmadi. Agar "kanonirlar" tezda o‘zlariga kelishmasa, ular Premyer-ligada muvaffaqiyatsizlikka uchraydi.
Arteta yaxshi ish qilganini va "Arsenal"ni chempionlikka da’vogarga aylantirganini tan olish kerak. Ammo, agar tarix Mikelning Premyer-liga va Chempionlar ligasida g‘alabasiz o‘tgan davrini eslab qolsa, yomon bo‘ladi", - dedi sobiq futbolchi.
"Arsenal" Angliya chempionatida peshqadam "Manchester Siti"dan ikki ochko ortda qolmoqda.
