Ralf Rangnik qanday shartlar ostida "Bavariya"ni boshqarishga rozi bo‘lishi ma’lum bo‘ldi.
65 yoshli mutaxassis "Bavariya" bosh murabbiyi lavozimiga favoritlardan biri ekanligi avvalroq xabar qilingandi. U klub bilan muzokaralar olib bormoqda.
Xabarlarga ko‘ra, Rangnik bu masalada yakuniy so‘zni aytishi uchun "Bavariya"ning transferlari ustidan nazoratni qo‘lga olmoqchi. Shunday qilib, uning vakolatlari sport direktorlari Maks Eberl va Kristof Froyndnikidan yuqori bo‘ladi.
Agar "Bavariya" bu talablarni qabul qilsa, shartnoma imzolashda alohida to‘siqlar bo‘lmaydi. Avstriya futbol assosiasiyasi Rangnikning Myunxen klubiga ketishiga to‘sqinlik qilmaydi, balki taxminan 5 million yevro miqdorida tovon puli talab qiladi.
