"Real Madrid" hozirda "PSJ"da o‘ynayotgan hujumchi Kilian Mbappe bilan barcha zarur masalalarni hal qildi, endi tomonlar shartnoma imzolaydi va futbolchi yozda "Qirollik klubi"ga o‘tadi. “Qaymoqranglilar”ning shartlaridan biri fransiyalik futbolchining Parijda bo‘lib o‘tadigan Olimpiadada (26 iyul - 11 avgust) ishtirok etmasligidir. Bu haqda AS xabar bermoqda.

Manba bergan xabarga ko‘ra, "Real Madrid" allaqachon Fransiya futbol federasiyasi bilan bog‘lanib, 25 yoshli hujumchini Olimpiada o‘yinlarida ishtirok etishiga ruxsat bermasligi haqida xabardor qilgan. Qolaversa, "Los-Blankos" o‘z jamoasidagi barcha fransuz futbolchilariga Olimpiadaga borishga ruxsat bermaydi.

"Real" rahbariyatining rejasiga ko‘ra, Mbappe "Los-Blankos"ning iyul oyi oxirida boshlanadigan AQSH turnesi oldidan dam olish uchun 14 iyulda yakunlanadigan Yevropa chempionatidan keyin ta’tilga chiqishi kerak.