Kataloniyaning "Barselona" klubi yozda chap qanot vingeri pozisiyasini mustahkamlamoqchi. Sport nashri xabariga ko‘ra, "blaugrana" besh xil nomzodni ko‘rib chiqmoqda.
Manba bergan xabarga ko‘ra, "Barselona" Gabriel Martinelli, Xvicha Kvarasxeliya, Niko Uilyams, Leroy Sane va Kaoru Mitomadan birini tanlamoqchi. Ro‘yxatga kiritilgan o‘yinchilarning har biri katta tovon puliga ega. "Barselona" faqatgina "Bavariya" bilan shartnomasi 2025 yilning yozida tugaydigan Leroy Saneni arzonroq narxda olishi mumkin.
Eslatib o‘tamiz, o‘tgan yozda "Barselona" "PSJ"ga o‘tgan Usmon Dembele o‘rniga futbolchi sotib olmagandi.
