Yakshanba kuni Muhammad Saloh va Yurgen Klopp "Liverpul"ning "Vest Xem"ga qarshi o‘yinida bahslashib qolishdi. O‘yindan so‘ng misrlik o‘zining "Agar bu haqda gapirsam, yong‘in chiqadi" degan iborasi bilan olovga yog‘ quydi.
The Sun nashrining yozishicha, Klopp futbolchilar bilan muloqotga juda katta e’tibor beradi. Nemis mutaxassisisi zaxiradan maydonga tushishidan oldin har bir futbolchi bilan qo‘l berib ko‘rishadi, biroq Saloh buni rad etdi. Ehtimol, misrlikning bu pozisiyasi murabbiyning so‘nggi paytlarda o‘yin vaqtini cheklab qo‘ygani bilan bog‘liqdir. Janjalga aynan Salohning qo‘l berib ko‘rishishdan bosh tortgani sabab bo‘lgan.
"O‘yindan so‘ng futbolchilarga bir necha kunlik dam berildi, ular seshanba kuni yig‘ilishadi. Umid qilamanki, bu vaqtgacha keskinlik pasayadi", - dedi klubdagi manba.
Eslatib o‘tamiz, “Vest Xem” va “Liverpul” 2:2 hisobida durang o‘ynagandi.
