"Betis" yarim himoyachisi Gido Rodriges tez orada "Barselona"ga o‘tadi.
Yaqinda ispan OAVlari xabar berishicha, 30 yoshli futbolchi "ko‘k-anorranglilar" bilan dastlabki shartnomani imzolagan. Tayanch yarim himoyachi erkin agent sifatida kataloniyaliklar safiga qo‘shiladi. Jurnalist Toni Xuanmarti fikricha, Rodriges bilan muzokaralarda “Barselona” bosh murabbiyi Xavi Ernandes muhim rol o‘ynagan. Murabbiy o‘yinchining qobiliyatlarini yuqori baholaydi, u kelishuvga erishishdan oldin u bilan shaxsan suhbatlashdi.
Gido Rodriges 2020-yil yanvaridan beri “Betis”da o‘ynamoqda. Joriy mavsumda yarim himoyachi 27 ta o‘yinda maydonga tushib, 2 ta gol va bitta golli uzatmani amalga oshirdi.
