"Бетис" ярим ҳимоячиси Гидо Родригес тез орада "Барселона"га ўтади.
Яқинда испан ОАВлари хабар беришича, 30 ёшли футболчи "кўк-анорранглилар" билан дастлабки шартномани имзолаган. Таянч ярим ҳимоячи эркин агент сифатида каталонияликлар сафига қўшилади. Журналист Тони Хуанмарти фикрича, Родригес билан музокараларда “Барселона” бош мураббийи Хави Эрнандес муҳим роль ўйнаган. Мураббий ўйинчининг қобилиятларини юқори баҳолайди, у келишувга эришишдан олдин у билан шахсан суҳбатлашди.
Гидо Родригес 2020-йил январидан бери “Бетис”да ўйнамоқда. Жорий мавсумда ярим ҳимоячи 27 та ўйинда майдонга тушиб, 2 та гол ва битта голли узатмани амалга оширди.
