"Atalanta" "Milan"dan hujumkor yarim himoyachi Sharl de Ketelareni sotib olishni rejalashtirmoqda.
23 yoshli belgiyalik futbolchining transferi Bergamo klubiga 22 million yevroga tushadi, «rossonerilar» esa yana 4 millionni bonus sifatida olishi mumkin.
Insayder Nikolo Skiraning so‘zlariga ko‘ra, de Ketelarening o‘zi ham kelishuvni ma’qullaydi: u nihoyat “Milan”ni tark etishga va doimiy ravishda “Atalanta”da qolishga tayyor.
Sharl de Ketelare Jan Pyero Gasperini jamoasi safida barcha musobaqalarda 44 ta o‘yinda 11 ta gol urgan va 9 ta golli uzatmaga mualliflik qilgan.
Futbolchi 2022 yilning yozida Belgiyaning «Bryugge» klubidan 36,5 million yevro evaziga «Milan»ga o‘tgan edi.
