"Аталанта" "Милан"дан ҳужумкор ярим ҳимоячи Шарл де Кетеларени сотиб олишни режалаштирмоқда.
23 ёшли бельгиялик футболчининг трансфери Бергамо клубига 22 миллион еврога тушади, «россонерилар» эса яна 4 миллионни бонус сифатида олиши мумкин.
Инсайдер Николо Скиранинг сўзларига кўра, де Кетеларенинг ўзи ҳам келишувни маъқуллайди: у ниҳоят “Милан”ни тарк этишга ва доимий равишда “Аталанта”да қолишга тайёр.
Шарл де Кетеларе Жан Пьеро Гасперини жамоаси сафида барча мусобақаларда 44 та ўйинда 11 та гол урган ва 9 та голли узатмага муаллифлик қилган.
Футболчи 2022 йилнинг ёзида Бельгиянинг «Брюгге» клубидан 36,5 миллион евро эвазига «Милан»га ўтган эди.
