"Real Madrid" La Ligadagi eng uzoq mag‘lubiyatsiz seriya bo‘yicha klub rekordini o‘rnatdi. 24 sentyabrdan beri madridliklar La Ligada 31 o‘yindan beri mag‘lub bo‘lmagan, 24 marta g‘alaba qozongan va 7 marta durang o‘ynagan.

Mundo Deportivo xabariga ko‘ra, "Real Madrid" bu mavsumda La Liga televideniyesi huquqlaridan tushgan mablag‘dan jami 143 million yevroni cho‘ntagiga oladi.

Bu mavsumda La Liga televideniye huquqlari uchun 1500 million yevro atrofida mablag‘ taqsimlashi kutilmoqda. Shundan 8,5 foizi (taxminan 127 million yevro) professional bo‘lmagan futbol va boshqa sport turlariga yordam sifatida beriladi.

Qolgan mablag‘ (taxminan 1373 million yevro) ikki qismga bo‘lingan. Dastlabki 50%, ya’ni 750 million yevro, summa La Liganing barcha 20 klubi o‘rtasida teng taqsimlanadi, har bir jamoa 37,5 million yevro oladi.

Ammo qolgan qismi (taxminan 623 million yevro) har bir jamoaning jadvaldagi yakuniy o‘rniga ko‘ra foiz asosida taqsimlanadi. Shunday qilib, chempion "Real Madrid" umumiy summaning 17 foizini oladi.

Boshqa kichik bonuslarni hisobga olganda "Real Madrid" 143 million yevro ishlab oladi.