Transfermarkt mutaxassislari so‘nggi besh yil ichida transfer bozoridagi xarajatlardan kelib chiqqan holda klublar reytingini tuzib chiqdi. Ro‘yxatning birinchi o‘rnida “Chelsi” joylashgan. “Aristokratlar” besh yil davomida yangi kelganlar uchun 784 million yevro sarfladi! Shu bilan birga, yakunlangan Angliya chempionatida jamoa atigi oltinchi o‘rinni egalladi.

Reytingda ikkinchi o‘rinni "Manchester Yunayted" egallab turibdi. APLda sakkizinchi o‘rinni egallagan “qizil iblislar” besh yil davomida 694 million yevro sarfladi. Kuchli uchlikni “Arsenal” 640 million yevro bilan yakunladi.

Keyingi o‘rinlarda “Tottenxem” (535 million yevro), “Nyukasl” (486), “PSJ” (457), “Al-Hilol” (437), “Aston Villa” (383), “Manchester Siti” (380) va “Vest Xem” (281) klublari bormoqda.

"Real Madrid" 174 million yevro bilan 19-o‘rinda bormoqda. "Barselona" 20-o‘rinda (159 million).