Transfermarkt мутахассислари сўнгги беш йил ичида трансфер бозоридаги харажатлардан келиб чиққан ҳолда клублар рейтингини тузиб чиқди. Рўйхатнинг биринчи ўрнида “Челси” жойлашган. “Аристократлар” беш йил давомида янги келганлар учун 784 миллион евро сарфлади! Шу билан бирга, якунланган Англия чемпионатида жамоа атиги олтинчи ўринни эгаллади.

Рейтингда иккинчи ўринни "Манчестер Юнайтед" эгаллаб турибди. АПЛда саккизинчи ўринни эгаллаган “қизил иблислар” беш йил давомида 694 миллион евро сарфлади. Кучли учликни “Арсенал” 640 миллион евро билан якунлади.

Кейинги ўринларда “Тоттенхэм” (535 миллион евро), “Ньюкасл” (486), “ПСЖ” (457), “Ал-Ҳилол” (437), “Астон Вилла” (383), “Манчестер Сити” (380) ва “Вест Хэм” (281) клублари бормоқда.

"Реал Мадрид" 174 миллион евро билан 19-ўринда бормоқда. "Барселона" 20-ўринда (159 миллион).