Endi Italiya chempionatida «Atalanta» «Yuventus»ni quvib o‘tmasligi kerak.
Gap shundaki, Yevropa ligasini yutgach, bergamoliklar kelasi mavsum Chempionlar Ligasi yo‘llanmasini qo‘lga kiritdi.
YECHL reglamentiga ko‘ra, ushbu mavsumda yevrokuboklarda eng yaxshi qatnashgan ikkita ligaga (Italiya va Germaniya) qo‘shimcha yo‘llanma beriladi. Bu yo‘llanma o‘sha ligalarda YECHL yo‘llanmasini qo‘lga kirita olmagan eng yaxshi ko‘rsatkichli jamoalarga beriladi.
Agar «Atalanta» 4-o‘rinni qo‘lga kiritsa, ularda YECHL yo‘llanmasi 2 ta bo‘lib, bittasi kuyib ketadi. «Yuventus» 5-o‘rin sifatida YECHLdagi qo‘shimcha o‘ringa ega bo‘ladi.
Agar «Atalanta» 5-o‘rinni olsa, dastlabki 5 jamoa shundog‘am YECHL yo‘llanmasini qo‘lga kiritgan, qo‘shimcha o‘rin «Roma»ga nasib qiladi. Italiyadan 6 jamoa Chempionlar Ligasida qatnashadi.
Xuddi shunday imkoniyat Germaniyada 6-o‘rinni olgan «Ayntraxt»da ham bor. Agar Bundesliganing 5-jamoasi «Borussiya» finalda yutib, uyoqdan YECHL yo‘llanmasini qo‘lga kiritsa.
