"Barselona" darvozaboni Mark-Andre ter Shtegen iste’foga chiqqan Xavi Ernandesga murojaat qildi. Yangi mavsumdan boshlab kataloniyaliklar yangi murabbiyga ega bo‘lishadi - klub juma kuni Xavini ishdan bo‘shatilganini rasman e’lon qildi.

“Hurmatli Xavi, aziz janob. Bizga yo‘nalishni o‘zgartirish kerak bo‘lganda siz klubga qaytdingiz. Siz jamoamizga bo‘lgan ishonchni tiklay oldingiz, sizning rahbarligingizda biz yana sovrinlarni yuta boshladik. Sizga va barcha xodimlarga har kuni ishingizga bo‘lgan ishtiyoqingiz uchun rahmat.

Endi biz ikkinchi marta xayrlashyapmiz, lekin bu klub doim sizniki bo‘lib qoladi. Siz bilan jamoadosh va murabbiy sifatida ishlash juda yoqimli edi va siz mening do‘stim bo‘lib qolganingizdan xursandman. Sizga va oilangizga eng yaxshi tilaklarimni tilayman”, — deb yozdi Ter Shtegen ijtimoiy tarmoqlarda.