"Manchester Yunayted" bosh murabbiyi Erik ten Xag nega ingliz ekspertlari joriy mavsumda uning jamoasini shafqatsizlarcha tanqid qilgani haqida gapirdi.
Eslatib o‘tamiz, "mankunianliklar" chempionatni sakkizinchi o‘rinda yakunlagandi. Biroq jamoada mavsumni biroz bo‘lsa-da yorqinroq qilish imkoniyati bor – buning uchun “Manchester Siti”ga qarshi Angliya kubogi finalida g‘alaba qozonishi kerak.
“Ingliz mutaxassislari o‘zlarini isbotlashga harakat qilmoqdalar. Ular to‘langan pulga munosib ekanliklarini ko‘rsatishni xohlashadi.
"Manchester Yunayted" bu mavsumda ular uchun oson nishon bo‘ldi. Bu Angliyadagi eng buyuk klub. Ehtimol, hatto butun dunyoda.
Ishlar yaxshi bo‘lmaganda, mutaxassislar doimo gapiradi va juda qo‘pol so‘zlarni ishlatadi", - deya Ten Xagning so‘zlarini keltirgan Vortbal International.
