"Манчестер Юнайтед" бош мураббийи Эрик тен Хаг нега инглиз экспертлари жорий мавсумда унинг жамоасини шафқатсизларча танқид қилгани ҳақида гапирди.
Эслатиб ўтамиз, "манкунианликлар" чемпионатни саккизинчи ўринда якунлаганди. Бироқ жамоада мавсумни бироз бўлса-да ёрқинроқ қилиш имконияти бор – бунинг учун “Манчестер Сити”га қарши Англия кубоги финалида ғалаба қозониши керак.
“Инглиз мутахассислари ўзларини исботлашга ҳаракат қилмоқдалар. Улар тўланган пулга муносиб эканликларини кўрсатишни хоҳлашади.
"Манчестер Юнайтед" бу мавсумда улар учун осон нишон бўлди. Бу Англиядаги энг буюк клуб. Эҳтимол, ҳатто бутун дунёда.
Ишлар яхши бўлмаганда, мутахассислар доимо гапиради ва жуда қўпол сўзларни ишлатади", - дея Тен Хагнинг сўзларини келтирган Vortbal International.
