«Chelsi»ning sobiq futbolchisi Eden Azar Maurisio Pochettinoning London jamoasi bosh murabbiyligidan ketishi haqida fikr bildirdi.

«Rostini aytsam, biroz xafa bo‘ldim. Pochettino ajoyib ish qildi. Ha, odamlar «Chelsi»ni kuchli 4talikda ko‘rishni xohlashadi, ammo bu o‘tish davri. U ajoyib murabbiy, unga omad tilayman. Keling, keyin nima bo‘lishini ko‘ramiz.

De Dzerbining «Chelsi»ni boshqarishini xohlaymanmi? Balki. Lekin «Komo»da mening do‘stim bor. U bosh murabbiy bo‘lishi mumkin», - deya Azar so‘zlarini keltirmoqda "talkSport".

E’tibor bering, Eden Azar «Komo» bosh murabbiyi Sesk Fabregasga shama qildi. 38 ta o‘yindan so‘ng «Komo» 73 ochko bilan B Seriyani ikkinchi o‘rinda yakunladi va to‘g‘ridan-to‘g‘ri Italiya chempionatining yuqori divizioniga ko‘tarildi.