«Челси»нинг собиқ футболчиси Эден Азар Маурисио Почеттинонинг Лондон жамоаси бош мураббийлигидан кетиши ҳақида фикр билдирди.

«Ростини айтсам, бироз хафа бўлдим. Почеттино ажойиб иш қилди. Ҳа, одамлар «Челси»ни кучли 4таликда кўришни хоҳлашади, аммо бу ўтиш даври. У ажойиб мураббий, унга омад тилайман. Келинг, кейин нима бўлишини кўрамиз.

Де Дзербининг «Челси»ни бошқаришини хоҳлайманми? Балки. Лекин «Комо»да менинг дўстим бор. У бош мураббий бўлиши мумкин», - дея Азар сўзларини келтирмоқда "talkSport".

Эътибор беринг, Эден Азар «Комо» бош мураббийи Сеск Фабрегасга шама қилди. 38 та ўйиндан сўнг «Комо» 73 очко билан Б Серияни иккинчи ўринда якунлади ва тўғридан-тўғри Италия чемпионатининг юқори дивизионига кўтарилди.