Londonning «Arsenal» klubi jamoa bosh murabbiyi Mikel Arteta bilan mehnat shartnomasini uzaytirmoqchi. Bu haqda taniqli insayder Fabrisio Romano xabar berdi.
Manbaga ko‘ra, «Arsenal» Arteta uchun yangi shartnoma tayyorlab qo‘ygan va tomonlar yaqin orada muzokaralar olib borishadi. Ta’kidlanishicha, klub 42 yoshli mutaxassisning ishidan to‘liq qoniqish hosil qilgan va u bilan birga loyihani qurishda davom etmoqchi.
Manbaning qayd etishicha, agar Arteta «Arsenal» bilan shartnomasini uzaytirsa, u Yevropadagi eng ko‘p maosh oluvchi murabbiylardan biriga aylanadi.
