Лондоннинг «Арсенал» клуби жамоа бош мураббийи Микель Артета билан меҳнат шартномасини узайтирмоқчи. Бу ҳақда таниқли инсайдер Фабрицио Романо хабар берди.
Манбага кўра, «Арсенал» Артета учун янги шартнома тайёрлаб қўйган ва томонлар яқин орада музокаралар олиб боришади. Таъкидланишича, клуб 42 ёшли мутахассиснинг ишидан тўлиқ қониқиш ҳосил қилган ва у билан бирга лойиҳани қуришда давом этмоқчи.
Манбанинг қайд этишича, агар Артета «Арсенал» билан шартномасини узайтирса, у Европадаги энг кўп маош олувчи мураббийлардан бирига айланади.
