Madridning «Real» klubi markaziy hujumchisi Xoselu Dortmundning «Borussiya»siga qarshi Chempionlar ligasi final uchrashuvidan so‘ng jurnalistlar bilan suhbatlashdi. 34 yoshli futbolchi ikkinchi bo‘lim oxirida zaxiradan maydonga tushdi.
«Keyingi mavsumda qayerda bo‘lishimni hali bilmayman. Biz bu masalani muhokama qilamiz. O‘g‘limning yig‘layotganini ko‘rib, hayajonga to‘lib ketdim. Agar biror narsa haqida uzoq vaqt orzu qilsangiz, u amalga oshadi», - dedi hujumchi matbuot anjumani vaqtida.
Chempionlar ligasi finali «Uembli»da bo‘lib o‘tdi va qirollik klubining 2:0 hisobidagi g‘alabasi bilan yakunlandi. Gollarga himoyachi Dani Karvaxal va hujumchi Vinisius Junior mualliflik qilishdi.
