"Bavariya" vingeri Leroy Sane Germaniya terma jamoasining o‘z uyidagi Yevropa chempionatidagi imkoniyatlariga baho berdi.
14 iyun kuni Yulian Nagelsmann shogirdlari guruh bosqichining 1-tur uchrashuvini Shotlandiyaga qarshi o‘tkazadi. Turnir mezbonlari bilan bir kvartetda Shveysariya va Vengriya terma jamoalari ham kuch sinashadi.
“Menimcha, Germaniya favoritlardan biri. Bizda ajoyib fazilatlarga ega ajoyib jamoa bor. Biz faqat Niderlandiya va Fransiyaga qarshi o‘rtoqlik o‘yinlarida ko‘rsatgan kuchimiz bilan o‘ynashimiz kerak, shunda hammasi yaxshi bo‘ladi. Agar bunga erishsak, turnirning asosiy favoritlaridan biriga aylanamiz", - deydi Sane.
Yevro-2024 o‘yinlari 14 iyundan 14 iyulga qadar bo‘lib o‘tadi.
