“An-Nasr” hujumchisi Krishtianu Ronaldu mavsum haqida gapirdi. “An-Nasr” sovrinsiz qoldi, ammo Ronalduning o‘zi Saudiya Arabistoni chempionatida 35 ta gol urib, “Oltin butsa”ni qo‘lga kiritdi.

“Bu gollar va golli uzatmalar bo‘yicha faoliyatimdagi eng yaxshi mavsumlardan biri bo‘lsa kerak. Rostini aytsam, bu men uchun juda muhim, chunki bu mening ishim. Rostini aytsam, mavsum boshida menda bunday maqsad yo‘q edi [to‘purar bo‘lish], lekin vaqt o‘tishi bilan buning imkoni borligini tushuna boshladim.

Jamoadoshlarimga rahmat aytmoqchiman, chunki jamoasiz individual yutuqlarga erishib bo‘lmasdi. Saudiya ligasi rekordini yangilaganimdan juda faxrlanaman. Men o‘zimni baxtli his qilyapman va bu meni har safar mashg‘ulot o‘tkazishga va bir xil ruhda davom etishga undaydi", - deya Ronaldu so‘zlarini keltirmoqda Goal.

Krishtianu Ronaldu 2023 yil boshidan buyon “An-Nasr” safida to‘p tepmoqda.