“Ан-Наср” ҳужумчиси Криштиану Роналду мавсум ҳақида гапирди. “Ан-Наср” совринсиз қолди, аммо Роналдунинг ўзи Саудия Арабистони чемпионатида 35 та гол уриб, “Олтин бутса”ни қўлга киритди.
“Бу голлар ва голли узатмалар бўйича фаолиятимдаги энг яхши мавсумлардан бири бўлса керак. Ростини айтсам, бу мен учун жуда муҳим, чунки бу менинг ишим. Ростини айтсам, мавсум бошида менда бундай мақсад йўқ эди [тўпурар бўлиш], лекин вақт ўтиши билан бунинг имкони борлигини тушуна бошладим.
Жамоадошларимга раҳмат айтмоқчиман, чунки жамоасиз индивидуал ютуқларга эришиб бўлмасди. Саудия лигаси рекордини янгилаганимдан жуда фахрланаман. Мен ўзимни бахтли ҳис қиляпман ва бу мени ҳар сафар машғулот ўтказишга ва бир хил руҳда давом этишга ундайди", - дея Роналду сўзларини келтирмоқда Goal.
Криштиану Роналду 2023 йил бошидан буён “Ан-Наср” сафида тўп тепмоқда.
