L'Equipe xabariga ko‘ra, Novak Jokovich 5-iyun, chorshanba kuni Parijda operasiya qilinadi.
Agar hammasi yaxshi bo‘lsa, serb operasiyadan so‘ng keyingi bir necha soat ichida oyoqqa turadi, ammo tiklanish uchun kamida uch hafta kerak bo‘ladi.
Shu tariqa, Jokovich 1-14 iyul kunlari bo‘lib o‘tadigan "Uimbldon"ni o‘tkazib yuboradi. Qayd etilishicha, serbning tez orada operasiya o‘tkazishga qaror qilishi uning Parijdagi Olimpiya o‘yinlarigacha tiklanish istagi bilan bog‘liq.
Jokovich 37 yoshda va dunyoning birinchi raqamli tennischisi hisoblanadi.
