Manuel Noyer Germaniya terma jamoasi darvozabonlari bilan bog‘liq vaziyat haqida fikr bildirdi.
Avvalroq Mark-Andre ter Shtegen jamoa safida Yevro-2024da ikkinchi raqamli posbon bo‘lishidan noroziligini bildirgandi.
«Darvozabon pozisiyasi muammosi hammaga ma’lum. Hech bir murabbiy ikkita darvozabonga bir xil vakolat bera olmaydi.
Qaror qabul qilish har doim qiyin. Mark vaziyatni biladi. Aytishim kerakki, bu juda achinarli, chunki u haqiqatan ham jahon darajasidagi darvozabon va yaxshi o‘yin ko‘rsatmoqda. Lekin bu ham bizning ishimizning bir qismi», - dedi “Bavariya” darvozaboni.
