Мануэль Нойер Германия терма жамоаси дарвозабонлари билан боғлиқ вазият ҳақида фикр билдирди.
Аввалроқ Марк-Андре тер Штеген жамоа сафида Евро-2024да иккинчи рақамли посбон бўлишидан норозилигини билдирганди.
«Дарвозабон позицияси муаммоси ҳаммага маълум. Ҳеч бир мураббий иккита дарвозабонга бир хил ваколат бера олмайди.
Қарор қабул қилиш ҳар доим қийин. Марк вазиятни билади. Айтишим керакки, бу жуда ачинарли, чунки у ҳақиқатан ҳам жаҳон даражасидаги дарвозабон ва яхши ўйин кўрсатмоқда. Лекин бу ҳам бизнинг ишимизнинг бир қисми», - деди “Бавария” дарвозабони.
