Ispaniya terma jamoasining mashhur sobiq yarim himoyachisi Sesk Fabregas zamonaviy futbolda jismoniy tayyorgarlikning ahamiyati haqida gapirdi.
“Arsenal”, “Barselona” va “Chelsi” klublarining sobiq futbolchisi o‘tgan yildan buyon Italiyaning “Komo” jamoasida murabbiy bo‘lib ishlamoqda, u yangi mavsumdan boshlab A seriyada ishtirok etadi.
"Italiyada buni tushunasiz, chunki ko‘p jamoalar individual tarzda pressing qilishadi, o‘ta agressiv harakat qilishadi, ularda jismonan kuchli futbolchilar ko‘p - shunday paytlarda futbol o‘yinining o‘zi hal qiluvchi bo‘lmasligi mumkin.
Hozir jismoniy jihatni e’tiborsiz qoldirib bo‘lmaydi", - deya Fabregasning so‘zlaridan iqtibos keltiradi Barca Universal.
