Испания терма жамоасининг машҳур собиқ ярим ҳимоячиси Сеск Фабрегас замонавий футболда жисмоний тайёргарликнинг аҳамияти ҳақида гапирди.
“Арсенал”, “Барселона” ва “Челси” клубларининг собиқ футболчиси ўтган йилдан буён Италиянинг “Комо” жамоасида мураббий бўлиб ишламоқда, у янги мавсумдан бошлаб А серияда иштирок этади.
"Италияда буни тушунасиз, чунки кўп жамоалар индивидуал тарзда прессинг қилишади, ўта агрессив ҳаракат қилишади, уларда жисмонан кучли футболчилар кўп - шундай пайтларда футбол ўйинининг ўзи ҳал қилувчи бўлмаслиги мумкин.
Ҳозир жисмоний жиҳатни эътиборсиз қолдириб бўлмайди", - дея Фабрегаснинг сўзларидан иқтибос келтиради Barca Universal.
