Milanning “Inter” klubi hujumchisi va sardori Lautaro Martines klub bilan yangi mehnat shartnomasi imzolaydi. Bu haqda avvalroq insayder Fabrisio Romano xabar bergan edi.

8 iyun, shanba kuni Romano ijtimoiy tarmoqdagi sahifasida yangi xabarni e’lon qildi. Manbaning ta’kidlashicha, "Inter" vise-prezidenti Xavyer Dzanetti Martines bilan 2029 yil iyunigacha yangi shartnoma imzolanishini tasdiqlagan. Ta’kidlanishicha, tomonlar shartnomaning barcha shartlarini kelishib olishgan.

26 yoshli argentinalik futbolchi 2018 yildan buyon “Inter” safida to‘p tepmoqda. O‘tgan mavsumda Martines barcha musobaqalarda 44 ta o‘yinda maydonga tushib, 27 ta gol urdi va 7 ta golli uzatmani amalga oshirdi.