Миланнинг “Интер” клуби ҳужумчиси ва сардори Лаутаро Мартинес клуб билан янги меҳнат шартномаси имзолайди. Бу ҳақда аввалроқ инсайдер Фабрицио Романо хабар берган эди.
8 июнь, шанба куни Романо ижтимоий тармоқдаги саҳифасида янги хабарни эълон қилди. Манбанинг таъкидлашича, "Интер" вице-президенти Хавьер Дзанетти Мартинес билан 2029 йил июнигача янги шартнома имзоланишини тасдиқлаган. Таъкидланишича, томонлар шартноманинг барча шартларини келишиб олишган.
26 ёшли аргентиналик футболчи 2018 йилдан буён “Интер” сафида тўп тепмоқда. Ўтган мавсумда Мартинес барча мусобақаларда 44 та ўйинда майдонга тушиб, 27 та гол урди ва 7 та голли узатмани амалга оширди.
