Madridning “Real” klubi markaziy himoyachisi Antonio Ryudiger Saudiya Arabistonidan juda katta taklif oldi. El Chiringuito xabariga ko‘ra, mahalliy klublardan biri nemisga 4 mavsum uchun 100 million yevro taklif qilgan.
Ryudiger hozircha nomi oshkor etilmagan jamoa taklifiga javob berishga ulgurmadi. Antonio "Real" safida hozircha ikki mavsum o‘tkazdi, u yerda La Liga, Ispaniya kubogi va Chempionlar ligasida g‘olib chiqdi.
31 yoshli Ryudiger oxirgi Ispaniya chempionatida bitta gol urdi. Antonio 2022 yilning yozida Londonning "Chelsi" klubidan erkin agent sifatida "Real"ga o‘tgan edi.
