Yarimo‘rta vazn toifasida o‘tkazilishi kerak bo‘lgan Konor Makgregor va Maykl Chendler o‘rtasidagi jang rasman bekor qilindi.
Ushbu to‘qnashuv 29 iyun (bizda 30 iyun tongi) kuni AQSHning Nevada shtati Las-Vegas shahrida tashkil etiladigan UFC 303 turnirining markaziy jangi bo‘lishi kerak edi. Irlandiyalik mashg‘ulotda orttirib olgan jarohati tufayli ushbu jang bekor qilindi.
Endi yarimog‘ir vazn toifasida braziliyalik Aleks Pereyra hamda chexiyalik Irji Proxazka o‘rtasida o‘tkaziladigan jang markaziy maqomda bo‘ladi. Shuningdek, Entoni Smit jarohat olgan Jamal Xillning o‘rnini egallaydi va Karlos Ulbergga qarshi oktagonga chiqadi.
Yarimengil vazndagi Brayan Ortega - Diyego Lopes bahsi esa oqshomning yangi co-main event jangi bo‘ladi. Bu ma’lumotlarni shaxsan UFC rahbari Dana Uayt tasdiqladi.
