Angliya terma jamoasi hujumchisi Xarri Keyn Serbiya terma jamoasi bilan o‘yinda jamoasining hujumlarini rivojlantirishda unchalik ishtirok etmadi.

Garet Sautgeyt shogirdlari 13-daqiqada Jud Bellingemning aniq zarbasi evaziga tanaffusdan oldin hisobda oldinga chiqib olishdi.

Qizig‘i shundaki, “uch sherlar” yetakchisi va sardori Xarri Keyn butun birinchi bo‘lim davomida bor-yo‘g‘i ikkita to‘pga teginishni amalga oshirdi – bu maydondagi barcha futbolchilar orasida eng past ko‘rsatkich bo‘ldi.

Inglizlar orasida Jordan Pikford 18 marta to‘pga tegishni amalga oshirdi. Peshqadam esa hamon o‘sha Jud Bellingem – 56.

Eslatib o‘tamiz, Angliya terma jamoasining barcha davrlardagi eng yaxshi to‘purarlari ro‘yxatini aynan Xarri Keyn boshqarib bormoqda. - 63 gol.