Англия терма жамоаси ҳужумчиси Харри Кейн Сербия терма жамоаси билан ўйинда жамоасининг ҳужумларини ривожлантиришда унчалик иштирок этмади.

Гарет Саутгейт шогирдлари 13-дақиқада Жуд Беллингемнинг аниқ зарбаси эвазига танаффусдан олдин ҳисобда олдинга чиқиб олишди.

Қизиғи шундаки, “уч шерлар” етакчиси ва сардори Харри Кейн бутун биринчи бўлим давомида бор-йўғи иккита тўпга тегинишни амалга оширди – бу майдондаги барча футболчилар орасида энг паст кўрсаткич бўлди.

Инглизлар орасида Жордан Пикфорд 18 марта тўпга тегишни амалга оширди. Пешқадам эса ҳамон ўша Жуд Беллингем – 56.

Эслатиб ўтамиз, Англия терма жамоасининг барча даврлардаги энг яхши тўпурарлари рўйхатини айнан Харри Кейн бошқариб бормоқда. - 63 гол.