Musobaqada O‘zbekiston delegasiyasi 23 ta sport turi bo‘yicha 249 nafar sportchi bilan ishtirok etmoqda.

Ma’lum bo‘lishicha, turnirda ishtirok etayotgani uchun O‘zbekiston delegasiyasi Xalqaro olimpiya qo‘mitasi (XOQ) tomonidan bosimga uchragan.

Bu haqda birinchi bo‘lib, Rossiyaning "Sport Ekspress" nashri vaziyatga yaqin ikki manbasiga tayanib, xabar berdi.

Bir nechta milliy federasiyalarimiz Xalqaro Olimpiya qo‘mitasidan BRIKS o‘yinlarida qatnashgan taqdirda sanksiyaga uchrashi haqida maktub olgan.

XOQ lisenziant sportchilarimizni BRIKS o‘yinlari yoki Olimpiadadan birini tanlashga chorlagan.

Aytilishicha, bunday maktublar boshqa bir qator delegasiyalar tarkibidagi federasiyalarga ham yuborilgan.

Ta’kidlash joiz-ki, O‘zbekiston delegasiyasi tarkibida bir necha lisenziant sportchilarimiz BRIKS o‘yinlarida qatnashmoqda.