Robert Pires Kilian Mbappening Fransiyadagi saylovlar haqidagi bayonoti haqida gapirdi.
Fransiyadagi Yevropa parlamenti saylovlarida Marin Le Penning Milliy miting partiyasi birinchi o‘rinni egalladi.
Shundan so‘ng mamlakat prezidenti Emmanuel Makron Milliy assambleyani tarqatib yubordi va muddatidan oldin saylovlar o‘tkazilishini e’lon qildi.
Yevro-2024 doirasidagi matbuot anjumanida Fransiya terma jamoasi sardori va Madridning “Real” klubi hujumchisi Mbappe shunday mavzuda gapirdi:
“Men ekstremallik va bo‘linishga qarshiman hamda odamlarni birlashtiruvchi g‘oyalar tarafdoriman.
Vaziyat misli ko‘rilmagan darajada, bizning avlodimiz unga ta’sir o‘tkazishga qodir. Biz o‘zimizni shu mamlakatdagi qadriyatlarimiz, bag‘rikenglik, xilma-xillik va hurmat orqali tanishtirishimiz kerak”.
- Saylovdagi shovqin va Mbappening matbuot anjumani Fransiya termasiga ta’sir qilishi mumkinmi?
"Har kim o‘zi xohlaganini qiladi, har kim o‘z fikrini bildirish huquqiga ega. Shunchaki, u eng yaxshi narsa uydan chiqib, ovoz berish kerakligini aytdi.
Bizda demokratik davlat bor. Yurtimizda demokratiya, so‘z erkinligi uchun kurashgan, qurbon bo‘lganlar bor va biz bundan foydalanishimiz kerak”, - dedi Fransiya terma jamoasining sobiq yarim himoyachisi Pires.
