Polsha terma jamoasi sardori va hujumchisi Robert Levandovski 2024 yilgi Yevropa chempionati guruh bosqichining 2-turida Avstriyaga qarshi o‘yindagi mag‘lubiyat haqida gapirdi. Polshaliklar avstriyaliklarga 1:3 hisobida imkoniyatni boy berishdi. Levandovskining o‘zi 60-daqiqada zaxiradan maydonga tushdi.
"Asosiy tarkibda o‘ynab, terma jamoaga katta yordam bergan bo‘lishim dargumon. Ikkinchi bo‘limga kirish va asosiy tarkibda bo‘lish ikki xil narsa. Meni eng ko‘p g‘azablantirayotgani mana shu ojizlik, menda shunday imkoniyat bo‘lganida ham terma jamoaga ko‘p yordam bera olmasligimni anglash", - dedi Levandovski UYEFA matbuot xizmatiga.
Eslatib o‘tamiz, Polsha terma jamoasi Yevro-2024 guruh bosqichidagi ikkita o‘yindan so‘ng birorta ham ochko ololmadi va yakuniga bir tur qolganida turnirning pley-off bosqichiga yo‘llanma olish imkoniyatidan mahrum bo‘ldi.
