Vinisius Junior Amerika Kubogining birinchi o‘yinidan keyin maydon sifatini tanqid qildi.
Braziliya terma jamoasi Amerika kubogi guruh bosqichining 1-turida Kosta-Rika termasi bilan durang o‘ynadi (0:0). O‘yin AQSHning Inglvud shahrida bo‘lib o‘tdi.
"Hech qanday bahona yo‘q, lekin maydon, albatta, g‘azablantiradi. Yevropa chempionatida biz ko‘rayotgan maydonlar sifati bu yerda ko‘rib turganimizdan butunlay farq qiladi.
Qolaversa, maydon kattaligi kichrayib, bu vazifani yanada qiyinlashtirdi", - deydi "Real" va Braziliya terma jamoasi vingeri.
