"PSJ" darvozaboni Janluiji Donnarumma bilan shartnomani uzaytirmoqchi. Italiyalik futbolchining klub bilan amaldagi shartnomasi ikki yildan so‘ng yakuniga yetadi. Insayder Nikolo Skira xabariga ko‘ra, parijlik grand rahbariyati 25 yoshli darvozabon bilan 2028 yilgacha shartnoma tuzmoqchi.
Muzokaralar Yevropa chempionati yakunlanganidan so‘ng ko‘p o‘tmay bo‘lib o‘tishi kerak. Janluiji Donnarumma 2021 yilning yozida "Milan"dan erkin agent sifatida qo‘shilganidan beri "PSJ"da o‘ynamoqda.
O‘tgan mavsumda Italiya terma jamoasi futbolchisi parijliklar safida 42 ta o‘yin o‘tkazib, 38 ta gol o‘tkazib yuborgan va 16 bor darvozasi daxlsizligini saqlab qolgan.
