Yankuba Minte "Brayton"ga o‘tishga yaqin turibdi.

Jurnalist Devid Ornshteynning yozishicha, “chaykalar” “Nyukasl” bilan 19 yoshli vingerni 33 million funt sterlingga sotib olishga kelishib olgan.

Gambiya terma jamoasi futbolchisi shaxsiy shartlarini muhokama qilish uchun ruxsat oldi.

Qayd etilishicha, “Nyukasl” futbolchini Premyer-liganing moliyaviy qoidalariga moslashish maqsadida sotib yuborgan.

O‘tgan mavsumda Minte "Feyenoord"da ijara asosida o‘ynadi. U Niderlandiya chempionatida 27 ta o‘yin o‘tkazib, 10 ta gol va 5 ta golli uzatmani amalga oshirgan.